裝修黑店呃人手法

以下只是覆述一位叫謝國X, 花名小強既人經驗。 [nl]大家千其唔好學, 戴定頭盔先。 [nl] [nl]做黑店主要用以下方法﹕ [nl] [nl]1. 報價時 [nl]個客講乜都話無問題, 乜都好好好, , 再反建議佢點做點做 [nl]等佢覺得你好熱心, 好有責任感 [nl]最緊要講﹕放心啦！我地一定幫你跟到底, 做完有乜問題搵番我, 一定幫你執掂佢架，唔會做完就咁走左去。 [nl] [nl]2. 千其唔好有報價單 [nl]個客堅持要, 就比一份好大概的報價 [nl]容易推番之前講過既野, 之後會講: 無講過呀！唔係咁… 係咁咁咁…. [nl] [nl][IFRAME]https://www.youtube.com/embed/TGpcnBSXHSo[/IFRAME]&ab_channel=%E8%AC%9D%E5%9C%8B%E5%BC%B7[nl][url]https://youtu.be/TGpcnBSXHSo[/url] [nl] [nl]3. 盡量要客比多D 訂金 [nl]銀碼較細的屋邨地方較易落手 [nl]“你個度咁少野, 落一半訂比我先, 尾數做好先計啦” [nl]一黎可以食左個客既訂，再後加各項工程, 加大尾數都易D [nl]個客比左一大份訂, 搵人做過又唔係, 焗比人割 [nl] [nl]4. 收左訂, 就係咁易去拆下野 [nl]之後唔好理佢, 個客急過你 [nl]一係食左個訂, 一係揼個客後加多D野先開工 [nl] [nl]5. 不停後加各種項目 [nl]“你個度唔係咁, 做唔到喎, ” [nl]“要拆埋個度先得架, 我幫你做左啦” [nl]“你個度唔知點收口, 我幫你做左乜乜乜… 架啦” [nl]呢D對白你自己識佢啦！ [nl] [nl]6. 一D 唔包既材料, 食得就食 [nl]如磁磚一般都唔包, 最好同客講英泥, 沙都唔包 [nl]開開下工, 打比個客話唔夠, 再話我幫你買啦, 講到好好咁 [nl]下午兩三點打比個客, 話唔夠磚, 唔通唔開工咩？ [nl]好多人都就範 [nl] [nl]7. 比埋尾數先開工 [nl]“你個度仲有兩日做完啦, 比埋尾數我先啦, ” [nl]呢D對白係咪好熟呢？既然仲有兩日做完, 點解唔做埋先比錢呢？ [nl] [nl]8. 打爛單位 [nl]客人不肯就範, 就打爛單位, 再屈個客多D錢！ [nl]再屈個客多D錢！ [nl]唔好以為唔得, 好多客怕事, 都會比錢。 [nl]唔比錢都繼續追, 搵埋收數佬去收都仲得。 [nl] [nl][IFRAME]https://www.youtube.com/embed/nVJD0tlVLVg[/IFRAME]&ab_channel=%E8%AC%9D%E5%9C%8B%E5%BC%B7[nl][url]https://youtu.be/nVJD0tlVLVg[/url] [nl] [nl]香港不小裝修黑店用緊類似手法, 去呃下訂金, 苛索多D尾數！ [nl]一單幾萬幾萬咁執！