旺角首X設計

話說早排會展有個家居博覽, 咁就去左MK首X設計個展位度問下D裝修套餐啦, 見佢報價都算合理, 用佢裝修套餐再加做一D自己要求項目, 初初佢地報要廿萬左右, 咁我就同佢地講budget大約18萬, 佢地好似好好心咁幫我左計右計, 最後話只需要17萬幾就可以, 咁我見符合budget就落左1千蚊訂喇, 點知惡夢就開始了...

度完尺約1個星期後上去佢公司睇報價, 初初佢地懶係幫我做D設計, 其實是多加工價, 話整多幅feature wall, 又加多D櫃咁, 總共承惠廿三萬幾...完全超出budget...咁我就話唔駛做其他額外野, 只係照番初初既項目就可以...點知佢拎第2份報價單出o黎時, 將原來項目拆細幾個, 多收幾項錢, 令到報價單變廿萬幾, 我就問佢點解個總銀碼會多左咁多, 佢先好細聲咁話"唔好意思呀, 之前報價個陣會錯你意", 跟住又話有D工程計漏左, 以家要加番(重點係佢地唔係主動解釋, 而係你問佢先講...如果唔問佢地已經袋袋平安了), 仲係咁迫盡快落十萬大訂, 我唯有話要再考慮閃人.

以家唔見左半個月時間又要再搵裝修公司...所以我勸大家真係要小心選擇裝修公司, 如果已經搵左呢間公司既, 真係要小心睇住工程, 由其是電制位數量...呢間野同我講一般要加三十幾個電制位...真係食水好深....

因為本人已經中伏，所以唔想再有受害者，等多咁多年，終於等到有自己屋企，上網搵左好多間唔同嘅設計裝修公司，最後決定用首X，開頭傾點設計時，我話想做暗門，設計師就話做暗門要拆埋㕑房牆先做到，想係厠所加舖地磚又話唔得，我只是加舖，不會拆原有都唔得？又話裝修呢段時候會係WhatsApp群組度定時執告裝修進度，結果由頭到尾只係拉電線有報，其他嘢我問佢地先應兩句，做出嚟嘅櫃邊，又爛又刮花左，尺寸又唔嘢，玻璃櫃膠水漬外露，執漏都係我自己睇完再影相比佢地跟，佢地完成無主動跟進同報告我知，其實仲有好多問題，講唔哂，可能有人會問我有無相做證明？有，但我唔會放上嚟，我係呢度講係唔想再有人受害!拎左廿幾萬出嚟，竟然係得到十萬嘅貨色!

呢間野以前叫X選設計，個人推斷可能上當受騙D人多咗，依家改名叫首X設計，地址係MK某大廈十幾樓同廿幾樓，網上可以找到多篇曝光它的貼文，比你地睇睇呢間野的用料就知，D木制家具都係呢種渣到冇得頂的渣板，鋅盆沒用幾日就已經開始生鏽，相信都係一D質素非常差的鋼材，鋅盆同洗手盆的填縫膠打的簡直就像細佬仔過家家，求其到不得了！完全係坑害消費者賺黑心錢！