裝修黑店的慘痛經歷!!!

PK黑店 - 成x設計（國際）有限公司

話説預15萬裝修，之後無意中搵咗呢間x功設計公司，傾嗰時又話點點點，又話可合你預算，好啦，俾3000蚊做設計費，設計話要3星期，叫佢俾個報價表睇住先，話唔得！要等埋3D 圖先可俾你睇，咁等咗佢3星期，出到嚟個設計圖同我理念完全唔同，本身個廳話要有地台，無咗！話要廳有全身鏡，又冇！話會做特色牆，又係冇！所有野出到嚟都變咗第2樣！

之後話咩幫我哋再設計，我想講淨係做木工都13萬，仲要未做晒我要求嘅野，咁我就算等你再設計返我要嘅野咪成30萬！！！仲未計油油...
咁好啦，咁我今日話要求佢做其中一項工程，希望退回設計費！因為初時話退工程費冇要求做幾多先可以退！跟住宜家又話成單工程要俾佢做先可退！個價錢仲要超貴，分享下俾大家睇下！

[img]https://i.imgur.com/VgNeW5m.png[/img]
[img]https://i.imgur.com/fuhjHWp.png[/img]

唔岩價咪唔搵佢做囉！但係設計費又話要搵佢做工程先有得退！是但搵佢做一項又話唔退得！咩都冇講淨設計都要先俾3000，報價又冇報過，淨係話可做到你預算內！最後情願蝕$3000都要搵過第2間做！！

之後發現上網有人討論過呢間野，當初又係tum人先做3D圖，sale又係話做到個budget, 點知張合約內容原來好唔齊，好多野未計，做到好似meet到你target咁！之後拆曬全屋，有d話要等師傅報價為準既工程佢地堅持唔加落合約，但最後個價比當初designer口頭報既預算價貴左一倍價錢，個所謂師傅(應係判頭)咩都話合約無寫唔會做唔包，咩都要重新報價，但報成個月都未報到，態度又勁差! 個designer叫你簽工程圖，修改完既圖有d位明明冇改野又無啦啦變左！最後仲被人發現有工程無按正常程序做，又冇通知業主，最後蝕都要堅決同佢斬纜！勁嬲！千祈唔好幫襯！